《Channel音樂》張敬軒再開跨年Show❤️由紅館飛去會展開足十場⭐️⭐️

《Channel音樂》張敬軒再開跨年Show❤️由紅館飛去會展開足十場⭐️⭐️ 軒仔來了！說好的2022壓軸演唱會《Revisit張敬軒演唱會 》，將於12月20至1月2日在灣仔會議展覽中心舉行，共10場！繼去年聖誕20週年演唱會與歌迷一起過後，這次軒仔準備為自己的20週年再做一個大總結，想同軒仔齊齊歡度聖誕及新年就留意啦，演唱會門票本月16至18日東亞銀行信用卡優先訂購，22日快達票公開發售！ 這次演唱會海報在飛機上拍攝，三年沒有上過機，無論軒仔及工作人員上到機都非常開心及懷念。軒仔還笑言有「陌生感覺」。皇上這次飛去邊？勁啦，由紅館飛過灣仔會議展覽中心！他笑稱：「係呀，我今次飛灣仔，交通好方便，因為有東鐵線，哈哈。」 他又分享：「我地之前做完26 場20週年演唱會，歌迷話我重有好多歌未唱，重想聽，所以見時間又OK，好多方面都配合到，所以就決定為呢個20週年寫上一個完美句號。演唱會取名《Revisit》，中文解作舊地重遊。所以在這個演唱會中，我將會用我的歌同大家一起重遊20年。對人、對事、對青春，一齊來遊歷一次，我相信歌迷同我一樣，會有好多回憶。」 這次做三面台，軒仔表示已有好幾年沒有做過三面台，非常有新鮮感：「今次我地都好大制作，好重本。首先係音響方面，保證每位觀眾都會有聽覺上的最高享受，視覺都會好靚，聖誕、新年是開心日子，所以成個騷不會似上一次咁heavy，會歡樂好多。另外，都一定唔會剩係唱 Side Track，雖然好多歌迷話好多 Side Track想聽，但係今次係重遊20週年的歌，所以經典的好聽的都會唱。」 今次軒仔拍海報包了個大形機艙拍攝場景，他亦真的非常期待可以飛，所以一做完這個騷，他就會馬上飛去旅行。但這三年不能飛，他認為也不是很可惜，因為大家花多了時間遊歷香港這個地方：「呢三年大家睇多咗香港本身好多靚風景，而且疫情都教會咗我地好多嘢，人同人之間相處及回憶變得好珍貴！」 編輯：Andy ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging#張敬軒#revisit

只顯示部分資訊