Jer柳應廷｜《離別的規矩》新歌演繹脫胎換骨❤️究竟要找什麼出口？｜訪問｜Channel音樂

JER柳應廷新歌演繹脫胎換骨❤️究竟要找什麼出口？ Jer柳應廷新歌《離別的規矩》卸棄了澎湃的編曲與唱法，以貼近樂迷耳朵的演繹分享一場傷痛的經歷，跟以往的唱腔有著明顯的不同，究竟背後有什麼原因？ Jer分享：「今次吳林峰寫咗一首有啲Un嘅舞曲，但我要用慢版嘅方式去演繹，對我嚟講係一個新挑戰，加上歌曲嘅內容，我想用比較人嘅語氣，好似細細聲喺你耳邊講嘢嘅方式唱出嚟，係自己喺唱法上嘅第一次轉變，希望大家聽到後有共鳴，又或者會有感觸。」 Jer所談及的共鳴位，就是歌詞內容所說的人與人與之間的關係。他說：「大家近年面對最多嘅情緒就係離別，好似有親友移民外地，喺面對離別，我好想透過《離別的規矩》同大家一同呼吸，呢首歌可以成為一個救生出口，大家聽完可以舒服啲，有啲情感可以抒發到。」 在《離別的規矩》的製作上，Jer與小克、王雙駿及吳林峰早有默契，所以他想到整體概念後便告知小克，小克就把概念化成為文字。此外，Jer對於編曲亦有特別要求：「今次我想簡約啲，因為過去嘅歌都比較澎湃，好多樂器，但今次聽《離別的規矩》，你會發現頭半段主要係人聲為主，然後就只有結他同琴，呢個都係想做返一首『地』啲嘅歌，貼近返歌曲想講嘅人與人之間嘅關係，所以唔用太多樂器，拉近距離。」 細心留意，便會發現編曲加入中式樂器，例如笛同埋蕭，與西方弦樂結合，有很特別的化學作用。在推出歌曲之前，小克曾在社交平台表示Jer的演繹會令人耳朵懷孕，Jer聽罷謙虛道：「我成日覺得Jer嘅歌唔係淨係靠我自己，除咗我把聲之外，仲要有情感代入，編曲、作詞，甚至MV拍攝都好重要，缺一不可，所以希望大家都會用心對待每個單位嘅創作。」 歌曲MV：https://youtu.be/YuQ7gBuhkyQ 編輯： Andy ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#離別的規矩#柳應廷#jer#jerlau#mirror MIRROR 柳應廷 Jer Lau Jer Lau 柳應廷 Fans Club 柳應廷 Jer Lau Singapore Fan Club Mirror & Error 粉絲後援會 Mirror.Error.FansClub Mirror Hong Kong Fan Club Mirror HK fans.We are one and all