李駿傑@MIRROR Jeremy│最新派台歌〈九〉用音樂講道理 MV擺脫乖乖仔個性 亦正亦邪妖艷升級 │Channel 音樂

作為今年新人的MIRROR成員李駿傑（Jeremy），最新派台歌〈九〉延續〈半〉的概念，再度嘗試用歌曲跟樂迷講道理，而新歌MV中Jeremy陷入亦正亦邪的深層演繹，放低乖乖仔個性的他將妖艷升級，更勝過去任何的演出。 繼〈半〉之後，今次Jeremy再次借歌曲跟樂迷「講道理」。〈九〉由王雙駿監製、張繼聰作曲、周耀輝填詞，歌詞內容道出每個人需要作出選擇的時候，都會出現很多不同的誘惑，但大家選擇的結果， 其實都取決於自己善或惡的個性，但歌曲最終想告訴大家，不論任何選擇，都要自己承受後果。 今次〈九〉得到張繼聰助陣，Jeremy也始料不及，他說：「請到張繼聰前輩作曲係因為Carl叔叔，可能Carl叔叔覺得Louis作嘅歌比較適合我，所以收到Demo時都好驚喜，因為冇諗過會有佢寫歌俾我，有啲Surprise。」比起上次〈半〉，Jeremy坦言這次演繹更見難度，他說：「起初以為Verse（主歌）難，因為歌詞好密，咬字要好實淨先知講乜，所以錄音時比較擔心呢部份，點知最難係Chrous（副歌），難在要唱出味道，Carl叔叔一路斟嚼用氣唔夠，跟住錄咗兩個半鐘後，把聲完全沙晒唱唔到，可能因為我捉唔到個力，搵唔到個Feel夾硬唱，結果搞成咁。」Jeremy最終要第三次走入錄音室才能成功找到應有的感覺，順利完成錄音，不過Jeremy悄悄說：「歌詞中嘅一句『What Should I Do』，佢嘅低音位係用我本身沙咗把聲去錄，所以沙聲有沙聲嘅好，令到件事更加Creepy（怪異）。」 除了歌曲外，MV也是圍繞善與惡的主題，Jeremy為樂迷解讀MV道：「MV裡面出現黑、白兩個造型，分別代表善與惡。一開始講緊我發夢，聽到好多人講嘢，有好多Message出現喺腦袋入面，令我自己好混亂好困擾，但夢醒後另一個我就出現了，而當中想表達，一個人無論幾善良都好，一定會有少少嘅陰暗面出現；幾壞嘅人都會有善良嘅一面，所以都係想話俾大家知，世間唔係淨係得黑、白，希望大家能坦承面對自己，去搵返自己真正嘅善同埋惡，面對返自己。」 不論是MIRROR的MV，還是上一回〈半〉的MV，Jeremy都鮮有拍外景，但今次製作團隊為他找來一個荒廢了的酒醋廠，猶如廢虛的場景，再加上Jeremy跳出乖仔框框，以帶點邪氣的面部表情表達惡的個性，令MV帶出不一樣的妖艷與頹廢交集的美態。Jeremy分享道：「第一次喺外景，好熱冇冷氣，另外好多塵，冇咁乾淨，喉嚨成日有啲唔舒服，但係因為外景原因，令到畫面更加加分，所以幾辛苦都係值得，因為可以拍到靚shot，配合成個環境，MV會更加吸引，所以不論幾熱幾辛苦都係值得嘅，不過都辛苦晒幕後嘅同事。」 ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#九#jeremylee#李駿傑#mirror#張繼聰#周耀輝#王雙駿 Jeremy Lee 李駿傑 Jeremy Lee 李駿傑 Fans Club HK mirror fans Mirror HK fans🌠We are one and all Mirror & Error 粉絲後援會 Mirror.Error.FansClub Mirror Hong Kong Fan Club MIRROR Fans Club Mirror HK Mama Fans Club(非官方) 張繼聰 Louis Cheung