雲浩影 Cloud｜歌手訪問｜第三首主打歌面世💔唱出愛恨交纏感覺⭐️⭐️一切可以重來嗎？｜Channel音樂

《Channel音樂》雲浩影第三首主打歌面世💔唱出愛恨交纏感覺⭐️⭐️一切可以重來嗎？ 今年樂壇新人Cloud雲浩影新歌浪接浪，之前兩首主打歌《願望之翼》和《到了那裏就對吧》，都是描述對未來及成長的看法。這次的《密切接觸者》終於談「情」了，原來唱情歌是她的心願！ Cloud笑說：「愛情對於我係一件大事，但點解到第三首先至唱情歌？因為我唔想自己咁沉迷。監製Alex Fung在錄歌過程令我認識自己更多，我由細到大聽嘅情歌，以演唱為主，加上學古典聲樂和鋼琴，我係一個完美主義者。但Alex希望人性化啲，我哋都花咗好多時間去討論和嘗試。」 《密切接觸者》談的是愛恨交纏、錯綜複雜的感情糾結 – 從何時起，二人遺忘了甜言蜜語，溝通方式只剩下爭執？彼此既不甘示弱，也不願放手，病態般堅持使雙方痛苦得無藥可救。愛逐秒衰竭，何以還心存妄想，苦等關係回復正常？無止境的紛爭，能否只是彼此加深了解的過程，而非沒完沒了的傷害？ 也許大家都不介意死纏爛打，只怕一切無法重新開始…… 《密切接觸者》的MV反應相當不錯，推出短短幾天，點擊量便火速衝破21萬。Fans對於一向形象溫柔可愛的Cloud在MV中與男主角激動吵架的情節，表示驚訝又驚喜。Cloud說：「每對情侶都有不同相處方式，有啲會成日嗌交、睇對方唔順眼、分手氹返又復合。正所謂相愛相殺，最緊要『就算嗌交都淨係同你嗌』，既轟烈又浪漫。」 這個MV充滿未來感，Cloud與故事中的男友Matthew戴著智能頸箍，開始時二人的頸箍都著了藍色燈，代表「自我模式」。他們激動吵架，面紅耳赤，Cloud傷心痛哭，一怒之下將男朋友的頸箍變成紅色燈的「服從模式」，從此他不再駁咀，靜靜地陪她看書、淋花、食飯，MV結局更教人反思。 原來拍攝時沒有現場收音，Cloud和Matthew放到盡認真吵架，愈吵愈烈，甚至掟東西，投入程度使在場工作人員嘩然！事後他們表示非常疲倦，Cloud說：「事前我哋都有傾過嘈乜嘢，有共識要成熟話題，可以發揮越嘈越勁，踢嘢和掟嘢都係劇情需要。現實中，我唔贊成真嗌交時掟嘢，因為之後要執返好樣衰。好似佢頭先掟嗰兜嘢，有果皮又有啲一粒粒嘅嘢，飛到周圍都係，要麻煩工作人員幫手執。」 Matthew笑指：「原來你都幾吵得，好到肉，令我一秒入戲。」Cloud回應時哈哈大笑：「我平時唔會咁架，盡量控制自己情緒唔好咁波動！」吵架後緊接要拍一場Cloud為Matthew打針的場口，Cloud笑指對方嚇到腳震：「雖然呢支針係道具，裏面係冬瓜茶，但佢好驚，因為我哋剛才拍完嗌交戲，而佢對我講咗啲好惡毒說話，佢驚我一時激動收唔到掣真係拮落佢度，哈哈！」 歌曲MV：https://www.youtube.com/watch?v=UMSBP... 編輯：Andy ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#cloud#雲浩影#密切接觸者 Cloud Wan 雲浩影